RABAN KOMITI KELAB NGEPAN BETONG

Lansa sekeda kereban Iban ti udah mujur digaga KNB

Kus ngaga ketapu

Gagong udah tembu

Kus ngaga kabo

Enti ka nemu berita enggau silik agi bekaul kus serta KNB tu, bala kita tau betalipaun tauka WhatsApp enggau Mr. Tajem Sinok (019-8783259). Terima kasih

Kenang Lansa Kelab Ngepan Betong (KNB)

KNB ditumbuhka kena 11 April 2017. Antara sepuluh iku raban ti ngerandang jalai numbuhka kelab tu ianya Dr Johnny Pangkas, Tajem Sinok. Charles Sigat Sang, Richard Boon, Aleksey Aman, Emparie Tom, Gary Tindi, Edwim Agam, Richard Ansi enggau Rahynold Rehengia. KNB diregista ba baruh payung kuasa Pejabat Daerah Betong kena 09 Mei 2017 (PDB/800-4/2 Jld.2(1).

Juluk ati numbuhka KNB ngambika nyadi pelasar ngangkatka pengepan bansa Iban lalu dikelala bala mayuh ti endang bisi pengerindu sereta penemu ba senentang pengawa tu. Kelimpah ari nya, sangking tuju bukai ianya dikena nanam sereta narit ati mensia mayuh majak rindu ngepan asal bansa diri kelebih agi bansa Iban empu.

Penyampau bala ke udah nyadi raban KNB manggai 57 iku. Mayuh macham bengkah pengawa ke udah digaga enggau dilanggur KNB dikena ngemansangka pengawa kelab itu baka ke dirintai;

1.     Ngiring Raban Pemesai Menua Dalam Pengawa Layar Cycling Carnival (1 Mei 2017)

2.     Pengawa Belajar Ngaga Gagong (1-6 Mei 2017)

3.     Pengawa Belajar Ngaga Ketapu Lelanjang (8-12 Mei 2017)

4.     Ngiring Raban Pemesai Dalam Pengawa Perarakan Gawai Dayak 2017  (13 Mei 2017)

5.     Ngiring Raban Pemesai Menua Dalam Makai Lemai Gawai 2017

6.     Ngiring Raban Pemesai Menua Dalam Pengawa Bejadika Pasar Tani Enggau Pasar Malam Spaoh (21 Mei 2017)

7.     Pengawa Belajar Nusuk Marik

8.     Pengawa Belajar Nusuk Engkerimuk

9.     Pengawa Belajar Nusuk Rawai

10.           Pengawa Ngaga Unus Ngena Linsa Upih Aping

11.           Seminar Ngepan Iban

Bala mayuh ke bisi pengerindu dalam bengepan Iban ba pelilih menua Betong endang diperansang sama begulai nyadi raban KNB ke berambai jaku, “Ngepan Kitai, Identiti Kitai”. Pom enggau penerang ke silik bekaul enggau Kelab Ngepan Betong tau betemu enggau Unggal Tajem Sinok (0198783259) enggau Pengajar Charles Sigat Sang (0198581590).